მომზადება:

ბულგარული წიწაკა დაჭერით რგოლებად, სოსისი – კუბებად. გააცხელეთ ტაფა, დაასხით ზეთი, დაყარეთ სოსისი, დაამატეთ ორეგანო, მოახეხეთ ცოტაოდენი მუსკატის კაკალი და შუშეთ, სანამ არ შეიფერება.

ბულგარული წიწაკის თითოეულ რგოლში მოათავსეთ სოსისის ნაჭრები, სატაცური და პომიდვრის ჩირი – ისე, თითქოს პატარა კალათებია. შემდეგ ათქვიფეთ კვერცხი და მოასხით თითოეულ რგოლს, ზემოდან მოაყარეთ  ცოტ-ცოტა  გახეხილი ნიორი და თეთრი სეზამის მარცვლები. ტაფას დაახურეთ თავსახური და წვით, სანამ კვერცხი თავს არ მოიკრავს.

სერვირება:

მზა ბოსტნეულის რგოლები გადაიტანეთ თეფშზე,  მოაყარეთ წვრილად დაჭრილი ოხრახუში, კამა, გახეხილი პარმეზანი, ზეთისხილი, ჰალაპენიო, გადაუსვით მარცვლოვანი მდოგვი. ზემოდან მოასხით არაჟანი გემოვნებით.

გემრიელად მიირთვით!