ნიკორას დაფა
კანჭი – 400 გ
ბეკონი – 200 გ
ძეხვი „კრაკოვური“ – 200 გ
შებოლილი ნეკნები – 400 გ
ძეხვი „მინი“ – 400 გ
ძეხვი „სალიამი“ – 200 გ
სოსისი „რძიანი“ – 400 გ
კვერცხი – 4 ცალი
შაქარი – 1 ს.კ.
ზეითუნის ზეთი – 4 ს.კ.
მზესუმზირას ზეთი – 4 ს.კ.
ლიმონი – 2 ცალი
ნიორი – 1 კბილი
ორეგანო – 1 ჩ.კ.
მუსკატის კაკალი (დაფქული) – ¼ ჩ.კ.
არაჟანი – 2 ს.კ.
წითელი ხახვი – 1 თავი
კიტრის მარინადი – 4 ცალი
ჰალაპენიო – 50 გ
კაპერსი – 5-6 მარცვალი
სოიოს სოუსი – 30 მლ
დიჟონის მდოგვი – 1 ჩ.კ.
მარცვლოვანი მდოგვი – 4 ს.კ.
სიმინდის მარცვლები – 200 გ
კრემყველი – 100 გ
კეტჩუპი – 4 ს.კ.
ზეთისხილი – 50 გ
ჯინჯერი – 1 პატარა ნაჭერი
პომიდორი ჩერი – 16 ცალი
რუკოლა – 1 პატარა კონა
არტიშოკი – 200 გ
მარილი – გემოვნებით
პილპილი – გემოვნებით
მომზადება:
ყველა სახის ხორცეული: კანჭი, ბეკონი, შებოლილი ნეკნები, კრაკოვური, მინი, სალიამი, რძიანი სოსისი დაჭერით და შეწვით ტაფაზე ან გრილზე.
არტიშოკს მოასხით ცოტა ზეთი და მობრაწეთ.
სოუსები:
მაიონეზი: 2 კვერცხის გული ათქვიფეთ შაქართან ერთად. შემდეგ თანდათან ჩაამატეთ ორივე სახის ზეთი, ლიმონის წვენი, დიჟონის მდოგვი, გახეხილი ნიორი, მარილი და პილპილი.
ტარტარის სოუსი: მომზადებულ მაიონეზს დაამატეთ წვრილად დაჭრილი წითელი ხახვი, კიტრის მარინადი, ჰალაპენიო და კაპერსი. შეგიძლიათ შეურიოთ ცოტაოდენი კიტრის მარინადის წვენი.
მარცვლოვანი სოუსი: მაიონეზს შეურიეთ სოიოს სოუსი და მარცვლოვანი მდოგვი.
სერვირება
დიდ დაფაზე ლამაზად დაალაგეთ შემწვარი ხორცეული და დაბრაწული არტიშოკი. გვერდით მოუწყვეთ რუკოლა, პომიდორი ჩერი, თხლად დაჭრილი ჯინჯერი, ზეთისხილი და ჰალაპენიო.
პატარა ფიალებით გამოიტანეთ ტარტარის სოუსი, მარცვლოვანი სოუსი, არაჟანი, კრემყველი, მარცვლოვანი და დიჟონის მდოგვები. სურვილისამებრ დაამატეთ სიმინდის მარცვლები და კეტჩუპი.
გემრიელად მიირთვით!
სხვა რეცეპტები
