ბრუსკეტა ბადრიჯნითა და ავოკადოს პასტით
ინგრედიენტები ( 4 ულუფისთვის):
ბეკონი – 200 გ
ბერძნული (ან ნებისმიერი) პური – 1 ცალი
პომიდორი – 2 ცალი
ბადრიჯანი – 2 ცალი
ბაზილიკი – 20 გ
რუკოლა – 60 გ
მოცვი – 100 გ
პარმეზანი – 80 გ
მიკრომწვანილი
ორეგანო – გემოვნებით
ქინძი – 100 გ
დაღერღილი წიწაკა – ½ ჩ.კ
ლიმონის წვენი – 1 ლიმონისგან
ზეითუნის ან მზესუმზირას ზეთი – 100 მლ
ავოკადო – 2 ცალი
ნიორი – 2-3 კბილი
პილპილი – გემოვნებით
მომზადება:
პური დაჭერით თხელ ნაჭრებად, მოაყარეთ ორეგანო და დაღერღილი წიწაკა, მოასხით ლიმონის წვენი, ზეითუნის ზეთი და გახუხეთ ტოსტერში.
ბეკონი შებრაწეთ, შემდეგ მის ცხიმში შეწვით რგოლებად დაჭრილი ბადრიჯანი.
ავოკადო დაჭერით, მოასხით ლიმონის წვენი, დაჭყლიტეთ და დაამატეთ 1 კბილი გახეხილი ნიორი. ავოკადოს მასას მოაყარეთ შავი პილპილი, ცოტა ბაზილიკი და ქინძი.
სერვირება:
პურის ნაჭერზე მოათავსეთ ავოკადოს პასტა, პომიდორი, შემწვარი ბადრიჯანი, ბეკონი, ბაზილიკი, ცოტა რუკოლა, მიკრომწვანილი და მოცვი. ბოლოს მოახეხეთ პარმეზანი.
გაამოთ!
სხვა რეცეპტები
